ഒരു മത്സരം ശേഷിക്കെ ഐ-ലീഗ് ചാമ്പ്യന്മാരായി റൗണ്ട് ഗ്ലാസ് പഞ്ചാബ്.ഇന്ന് നടന്ന മത്സരത്തിൽ രാജസ്ഥാൻ എഫ് സിയെ എതിരില്ലാത്ത നാല് ഗോളുകൾക്ക് തകർത്ത് രാജകീയമായാണ് പഞ്ചാബ് കിരീടമണിഞ്ഞത്.ചെഞ്ചോ ഗിൽഷൻ, ലൂക്ക മജ്‌സെൻ, മെര, മിംഗ്‌തൻമാവിയ എന്നിവർ വിജയികൾക്കായി ലക്ഷ്യം കണ്ടു.

ഇന്ത്യൻ ഫുട്‌ബോളിലെ ഒന്നാം ഡിവിഷനായ ഇന്ത്യൻ സൂപ്പർ ലീഗിലേക്ക് പ്രമോഷൻ ലഭിക്കുന്ന ആദ്യ ക്ലബ്ബ് എന്ന റെക്കോർഡും അവർക്കായി.

21 മത്സരങ്ങളിൽ നിന്ന് 15 വിജയങ്ങളുടെയും നാല് സമനിലകളുടെയും പിൻബലത്തിൽ 49 പോയന്റാണ് പഞ്ചാബ് സ്വന്തമാക്കിയത്.രണ്ടാമതുള്ള ഒരു മത്സരം കുറച്ചു കളിച്ച ശ്രീനിധി ഡെക്കാന് പോയന്റ് 41 മാത്രമാണ്.ഇതാണ് ഒരു മത്സരം ശേഷിക്കെ റൌണ്ട് ഗ്ലാസ്സിനെ വിജയതീരത്തെത്തിച്ചത്.കഴിഞ്ഞ തവണ ചാമ്പ്യന്മാരായ ഗോകുലം കേരള എഫ് സി ക്ക് ഇക്കുറി മൂന്നാം സ്ഥാനം കൊണ്ട് തൃപ്തിപ്പെടാനെ സാധിച്ചുള്ളൂ