ഇംഗ്ലീഷ് പ്രീമിയർ ലീഗിൽ ഇന്ന് പരമ്പരാഗത വൈരികളുടെ പോരാട്ടം.വിഖ്യാതമായ ആൻഫിൽഡ് സ്റ്റേഡിയത്തിൽ നടക്കുന്ന മത്സരത്തിൽ ലിവർപൂൾ മാഞ്ചസ്റ്റർ യുണൈറ്റഡിന് ആതിഥേയരാകും.

കഴിഞ്ഞ സീസണിൽ 'ക്വാഡ്രപ്ളി'ന് തൊട്ടരികെയെത്തിയ ലിവർപൂൾ പക്ഷെ ഈ സീസണിൽ സ്ഥിരതയില്ലാത്ത പ്രകടനമാണ് പുറത്തെടുക്കുന്നത്.എഫ് എ കപ്പിൽ നിന്നും ലീഗ് കപ്പിൽ നിന്നും പുറത്തായ അവർ ചാംപ്യൻസ് ലീഗിൽ പുറത്താകലിന്റെ വക്കിലാണ്.തിയാഗോ അൽകന്റാ ര അടക്കമുള്ള പല മുൻനിര താരങ്ങളും പരിക്കിന്റെ പിടിയിലാണ്.എന്നാൽ കഴിഞ്ഞ നാല് പ്രീമിയർ ലീഗ് മത്സരങ്ങളി ലും തോൽവിയറിയാത്തതും ഹോം മത്സരമാണെന്നതും യുർഗൻ ക്ളോപ്പിന്റെ പടക്ക് ആത്മവിശ്വാസം പകരും.

മറുപുറത്ത് എറിക് ടെൻ ഹാഗിന് കീഴിൽ സ്വപ്ന കുതിപ്പിലാണ് മാഞ്ചസ്റ്റർ യുണൈറ്റഡ്.ലീഗ് കപ്പ് ചാമ്പ്യന്മാരായ അവർ പ്രീമിയർ ലീഗിൽ മൂന്നാം സ്ഥാനക്കാരാണ്.മികച്ച ഫോമിലുള്ള മാർകസ് റാഷ്ഫോർഡ്,കാസെമിറോ തുടങ്ങിയ താരങ്ങളുടെ പ്രകടനം നിർണായകമാകും.

ഇന്ത്യൻ സമയം 10 മണിക്കാണ് മത്സരം.