മാഞ്ചസ്റ്റർ യുണൈറ്റഡിന്റെ ഇംഗ്ലീഷ് താരം മാർകസ് റാഷ്ഫോഡ് ഫെബ്രുവരി മാസത്തെ പ്രീമിയർ ലീഗിലെ മികച്ച താരമായി തിരഞ്ഞെടുക്കപ്പെട്ടു.നിലവിലെ സീസണിൽ ഇത് മൂന്നാം തവണയാണ് താരം പുരസ്കാരത്തിനാർഹനാകുന്നത്.ഇതോടെ ഒരു സീസണിൽ ഏറ്റവും കൂടുതൽ 'പ്ലയർ ഓഫ് ദി മന്ത്' പുരസ്‌കാരം നേടിയവരിൽ ലിവർപൂളിന്റെ മുഹമ്മദ് സലാഹ് 2017/18 ൽ സ്ഥാപിച്ച റെക്കോർഡിനൊപ്പമെത്താനും റാഷ്ഫോഡിനായി.

ഫെബ്രുവരിയിൽ നാല് മത്സരങ്ങൾ കളിച്ച അദ്ദേഹം അഞ്ച് ഗോളുകൾ നേടി.ഇതിൽ മൂന്നെണ്ണത്തിലും ടീം വിജയം കണ്ടു.

പുതിയ കോച്ച് എറിക് ടെൻ ഹാഗിന് കീഴിൽ പൊതുവിലും ഖത്തർ ലോകകപ്പിന് ശേഷം വിശേഷിച്ചും മികച്ച ഫോമിൽ തുടരുന്ന 'റാഷി' 26 തവണയാണ് ഗോൾവല കുലുക്കിയത്.യഥാക്രമം 33,30 ഗോളുകൾ നേടിയ ഏർലിംഗ് ഹാലൻഡ്, കിലിയൻ എംബപ്പെ എന്നിവർ മാത്രമാണ് ഇക്കാര്യത്തിൽ തരത്തിന് മുന്നിലുള്ളവർ.