പ്രീമിയർ ലീഗ് ക്ലബ്ബ് ക്രിസ്റ്റൽ പാലസിന്റെ പരിശീലകൻ പാട്രിക് വിയേരയെ പുറത്താക്കി.തുടർതോൽവികൾക്ക് പിന്നാലെ ടീം 12 ആം സ്ഥാനത്താണ് നിലവിൽ പ്രീമിയർ ലീഗിൽ.താരം താഴ്ത്തൽ ഭീഷണിയിൽ നിന്ന് വെറും മൂന്ന് പോയന്റ് മാത്രം അകലെ.ഇതേ തുടർന്നാണ് രണ്ട് ദിവസങ്ങൾക്ക് ശേഷം ലീഗിൽ തലപ്പത്തുള്ള ആഴ്‌സനലിനെ നേരിടാനുള്ള ടീം പരിശീലകനെ പുറത്താക്കിയത്.

2021 ജൂലൈ 4ന് കോച്ചായി നിയമിതനായ ഈ ആഴ്‌സനൽ ഇതിഹാസത്തിന് ആദ്യ സീസണിൽ മികച്ച കളിരീതികളിലൂടെ ആരാധക പിന്തുണ ഉറപ്പാക്കാനായിരുന്നു.27 മത്സരങ്ങളിൽ പ്രീമിയർ ലീഗിൽ അദ്ദേഹം ക്ളബ്ബിനെ പരിശീലിപ്പിച്ചു.

വിയേരയുടെ പുറത്താകലോടെ പ്രീമിയർ ലീഗ് ഇതിഹാസ താരങ്ങളായിരുന്ന പരിശീലകരുടെ മോശം നില തുടരുകയാണ്.നേരത്തെ ലിവർപൂൾ ഇതിഹാസം സ്റ്റീവൻ ജറാർഡിനെ ആസ്റ്റൻ വില്ലയും ചെൽസി ഇതിഹാസം ഫ്രാങ്ക് ലംപാർഡിനെ എവർട്ടനും നടപ്പുസീസണിൽ പുറത്താക്കിയിരുന്നു.