FIFA OWN GOAL SCORER PLAYER PART-2

ਫੀਫਾ ਵਰਲਡ ਕੱਪ ’ਚ ਆਪਣੀ ਹੀ ਟੀਮ ’ਤੇ ਆਤਮਘਾਤ

ਸੁਖਵਿੰਦਰਜੀਤ ਸਿੰਘ ਮਨੌਲੀ

4. ਜੋਸ ਪਾਰਾ: ਸਪੇਨ ਦੇ ਡਿਫੈਂਡਰ ਜੋਸ ਪਾਰਾ ਦਾ ਜਨਮ ਸਪੇਨ ਦੇ ਕਸਬੇ ਬਲੈਨੇਸ ’ਚ ਅਗਸਤ 28, 1925 ’ਚ ਹੋਇਆ। ਬਰਾਜ਼ੀਲ ’ਚ 1950 ’ਚ ਹੋਏ ਆਲਮੀ ਕੱਪ ’ਚ ਮੇਜ਼ਬਾਨ ਟੀਮ ਵਿਰੁੱਧ ਜੁਲਾਈ-13 ਨੂੰ ਕੁਆਟਰਫਾਈਨਲ ਖੇਡਦਿਆਂ ਪਾਰਾ ਜੋਸ

ਵਲੋਂ ਪਹਿਲੇ ਹਾਫ ਦੇ 15ਵੇਂ ਮਿੰਟ ਕੀਤੇ ਗਏ ਆਤਮਘਾਤੀ ਗੋਲ ਨਾਲ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਵੇਖ ਰਹੀ ਸਪੈਨਿਸ਼

ਟੀਮ ਤੇ ਕੋਚਿੰਗ ਕੈਂਪ ’ਚ ਇਕ ਤਰ੍ਹਾਂ ਨਾਲ ਸੁੰਨ ਹੀ ਵਰਤ ਗਈ। ਦੋ ਸਾਲਾ ਕਰੀਅਰ ’ਚ ਸੱਤ ਮੈਚ ਖੇਡਣ ਵਾਲੇ ਜੋਸ

ਪਾਰਾ ਨੂੰ ਪੇਸ਼ੇਵਰ ਫੁਟਬਾਲ ’ਚ 215 ਮੈਚ ਖੇਡਣ ਦਾ ਰੁਤਬਾ ਹਾਸਲ ਹੋਇਆ। ਫਰਵਰੀ 29, 2016 ਨੂੰ ਜੋਸ ਪਾਰਾ ਦੇ ਟੈਰੇਸਾ ’ਚ

ਚਲਾਣੇ ਨਾਲ 1950 ਦੇ ਸੰਸਾਰ ਫੁਟਬਾਲ ਕੱਪ ’ਚ ਸ਼ਮੂਲੀਅਤ ਕਰਨ ਵਾਲੀ ਟੀਮ ਦਾ ਇਸ ਜਹਾਨ ਨੂੰ ਅਲਵਿਦਾ ਕਹਿਣ ਵਾਲਾ

ਉਹ ਆਖਰੀ ਖਿਡਾਰੀ ਸੀ।

5. ਜਿਮੀ ਡਿਕਿੰਸਨ: ਸਵਿਟਜ਼ਰਲੈਂਡ-1954 ਦੇ ਵਿਸ਼ਵ ਫੁਟਬਾਲ ਕੱਪ ’ਚ ਬੈਲਜੀਅਮ ਨਾਲ ਮੈਚ ’ਚ ਜੁਲਾਈ-17 ਨੂੰ ਆਪਣੀ

ਟੀਮ ਸਿਰ ਦੂਜੇ ਹਾਫ ਦੇ 46ਵੇਂ ਮਿੰਟ ’ਚ ਓਨ ਗੋਲ ਦਾਗਣ ਵਾਲੇ ਇੰਗਲਿਸ਼ ਖਿਡਾਰੀ ਜਿਮੀ ਡਿਕਿੰਸਨ ਦੇ ਸ਼ਾਨਦਾਰ

ਕਰੀਅਰ ’ਚ ਇਹ ਸੈਲਫ ਗੋਲ ਸੂਲ ਵਾਂਗ ਚੁਭਦਾ ਰਿਹਾ। ਕੌਮੀ ਕਰੀਅਰ ’ਚ ਇੰਗਲੈਂਡ ਦੀ ਫੁਟਬਾਲ ਟੀਮ ਲਈ 48 ਮੈਚ

ਖੇਡਣ ਅਤੇ 19 ਸਾਲਾਂ ’ਚ ਇਕੋ ਫੁਟਬਾਲ ਕਲੱਬ ਪੋਰਟੇਮਾਊਥ ਦੀ ਟੀਮ ਨਾਲ 764 ਵਾਰ ਮੈਦਾਨ ’ਚ ਨਿੱਤਰਨ ਵਾਲੇ ਲੈਫਟ

ਹਾਫ ਖਿਡਾਰੀ ਜਿਮੀ ਨੂੰ ਦੋ 1950 ਤੇ 1954 ਦੇ ਆਲਮੀ ਫੁਟਬਾਲ ਟੂਰਨਾਮੈਂਟਾਂ ‘ਚ ਦੇਸ਼ ਦੀ ਟੀਮ ਦੀ ਨੁਮਾਇੰਦਗੀ

ਕਰਨ ਦਾ ਹੱਕ ਹਾਸਲ ਹੋਇਆ। ਆਤਮਘਾਤੀ ਗੋਲ ਕਾਰਨ ਸਾਰੀ ਉਮਰ ਨਮੋਸ਼ੀ ਭੋਗਣ ਵਾਲੇ ਜਿਮੀ ਦੀ ਕੌਮਾਂਤਰੀ ਤੇ

ਕੌਮੀ ਫੁਟਬਾਲ ਨੂੰ ਦਿੱਤੀ ਦੇਣ ਸਦਕਾ ਉਸ ਦੇ ਮਾਣ ’ਚ ਐਲਟਨ ਟਾਊਨ ’ਚ ਇਕ ਪੱਬ ਤੇ ਪੋਰਟੇਮਾਊਥ ’ਚ ਇਕ ਸੜਕ ਦਾਨਾਮ ਜਿਮੀ ਡਿਕਿੰਸਨ ਰੱਖਿਆ ਗਿਆ। ਅਪਰੈਲ 25, 1925 ’ਚ ਹੈਂਪਸਾਇਰ ’ਚ ਜੰਮੇ ਜਿਮੀ ਦੀ 57 ਸਾਲ ਉਮਰ ’ਚ

ਨਵੰਬਰ 8, 1982 ’ਚ ਹਰਟ ਅਟੈਕ ਨਾਲ ਮੌਤ ਹੋ ਗਈ।