ഇന്ന് കരിയറിലെ ആയിരാം മത്സരത്തിന് ഇറങ്ങുകയാണ് അർജൻ്റീന നായകൻ ലയണൽ മെസ്സി.

ഓസ്ട്രേലിയയോട് ക്വാർട്ടർ ഫൈനലിന് ഇറങ്ങുമ്പോൾ 1000 മത്സരം കളിച്ച നായകൻ ആവേശം അലതല്ലുന്ന വിജയം കൊണ്ടുവരുമെന്ന വിശ്വാസത്തിലാണ് ലോകം മുഴുവനുമുള്ള ആരാധകർ.

ബാഴ്സിലോണയ്ക്ക് വേണ്ടി 778 മത്സരങ്ങളും പി എസ് ജിക്ക് വേണ്ടി 53 മത്സരങ്ങളിലുമാണ് മെസ്സി ബൂട്ട് കെട്ടിയത്. അർജന്റീനയ്ക്ക് വേണ്ടി 168 മത്സരങ്ങളിലും മെസ്സി ഇറങ്ങി.

അർജന്റീനയ്ക്കായി 2006, 2010, 2014, 2018, 2022 ലോകകപ്പുകളിൽ കളിച്ച മെസ്സി അഞ്ച് ലോകകപ്പുകളിലും അസിസ്റ്റ് നേടിയ റെക്കോർഡും നേടിയിട്ടുണ്ട്.

ഖത്തറില്‍ മെക്സിക്കോക്കെതിരെയും സൗദി അറേബ്യയ്ക്കെതിരെയും ഓരോ ഗോൾ വീതം നേടാനും മെസ്സിക്കായി. അർജന്റീന ജഴ്സിയിലെ തന്റെ 169-ാം പോരാട്ടത്തിനുകൂടിയാണ് മെസ്സി ഇറങ്ങുന്നത്.

ബാഴ്സിലോണയ്ക്ക് വേണ്ടി 672 ഗോളുകളും പിഎസ്ജിയ്ക്ക് വേണ്ടി 23 ഗോളുകളും അർജന്റീനയ്ക്ക് വേണ്ടി 93 ഗോളുകളുമാണ് മെസ്സിയുടെ സമ്പാദ്യം. അവസാന ലോകകപ്പായേക്കാവുന്ന ഖത്തറിലെ തന്റെ ആയിരാമത്തെ മത്സരം ‍താരത്തിനും ടീമിനും അതിനിർണായകമാണ്. അഹ്മദ് ബിൻ അലി സ്റ്റേഡിയത്തിൽ  ഇന്ന് പുലർച്ചെ 12.30 നാണ് അര്‍ജന്റീന- ഓസ്ട്രേലിയ പ്രീക്വാർട്ടർ മത്സരം.