ജവാനിലെ റോൾ നിരസിച്ച് അല്ലു അർജുൻ

ഷാറൂഖാന്റെ ഏറ്റവും പുതിയ ചിത്രമായ ജവാനിൽ കാമിയോ റോളിലാണ് അല്ലു അർജുനെ ക്ഷണിച്ചിരുന്നത്.

എന്നാൽ, വിവിധ മാധ്യമങ്ങൾ റിപ്പോർട്ട് ചെയ്തതനുസരിച്ച്, അല്ലു അർജുൻ ചിത്രം നിരസിച്ചതായാണ് അറിയുന്നത്.

പുഷ്പ 2 വിന് വേണ്ടിയുള്ള തയ്യാറെടുപ്പുകളുടെ ഭാഗമായാണ് ജവാനിലെ റോൾ നിരസിച്ചത് എന്ന് റിപ്പോർട്ടുകൾ പറയുന്നു.

അറ്റ്‌ലി കുമാർ സംവിധാനം ചെയ്യുന്ന മൾട്ടി ലിങ്കൽ ചിത്രമാണ് ജവാൻ.

പത്താൻ സിനിമയ്ക്ക് ശേഷം പുറത്തിറങ്ങുന്ന ഷാരൂഖാന്റെ അടുത്ത ചിത്രം കൂടിയാകും ജവാൻ.

ഷാരൂഖാനോടൊപ്പം വിജയ് സേതുപതിയും നയൻതാരയും പ്രധാന വേഷത്തിൽ എത്തുന്നുണ്ട്.

പൂനെ, മുംബൈ, ഹൈദരാബാദ്, ചെന്നൈ തുടങ്ങി രാജ്യത്തിന്റെ വിവിധ ഭാഗങ്ങളിലായാണ് സിനിമയുടെ ചിത്രീകരണം.

പത്താന്റെ വമ്പൻ വിജയത്തിന് ശേഷം ഒരു അറ്റലി മാജിക് കൂടി പ്രതീക്ഷിക്കുകയാണ് ആരാധകലോകം.